Fernando Torres: “İspaniyada yalnız “Atletiko”nun formasını geyərəm”

“Milan”ın hücumçusu Fernando Torres sabiq klubu “Atletiko”ya olan sevgisindən danışıb. Futbolxeber.az-ın məlumatına görə, ispan forvard vətənində doğma klubundan başqa, heç bir komandanın şərəfini qorumayacağını bildirib: “Mən İspaniyada yalnız “Atletiko”nun formasını geyərəm. Bu komanda heç bir cəhətinə görə “Real” və “Barselona”dan geri qalmır. “Atletiko” zamanla çox yüksək səviyyəyə çatdı. Zamanında bu kluba fayda verdiyim üçün şadam. O ki qaldı “Milan”a, həmin vaxt başqa klublardan da təklif almışdım. Amma “Milan” kimi kluba “yox” demək çətindir”.