37 yaşı tamam olan Di Natale: “Hələ də futboldan zövq alıram”

Bu gün “Udineze”nin hücumçusu Antonio Di Natalenin 37 yaşı tamam olur. Futbolxeber.az-ın məlumatına görə, 1977-ci ilin 13 oktyabrında Neapolda anadan olan ulduz futbolçu ad günü ilə bağlı açıqlama verib: “37 yaşım tamam olur. Karyeram əla alınıb. İnanıram ki, sonluq da ürəyimcə olacaq. Hələ də futboldan zövq alıram. Çalışıram ki, “Udineze” ilə yeni uğurlara imza atım. Mənim üçün nümunə Tottidir. Onun 38 yaşı var. Amma özünü 27 yaşındakı kimi hiss edir”.

Di Natale “ad gününüzü qolla qeyd edəcəksinizmi” sualını belə cavablandırıb: “Qol vurmaq mənim işimdir. Komandam, azarkeşlər üçün hər zaman qol vurmalıyam”.