“Çelsi” həm ÇL-i, həm də Premyer Liqanı qazanmağa qadirdi”

“Sportinq”in baş məşqçisi Marku Silva bu gün Çempionlar Liqasının qrup mərhələsinin ikinci turu çərçivəsində “Çelsi”yə qarşı keçirəcəkləri oyun haqda danışıb. Futbolxeber.az-ın məlumatına görə, gənc mütəxəssis rəqib haqda yüksək fikirlər səsləndirib: “Çelsi” təkcə bizim qrupun deyil, həm də turnirin əsas favoritlərindən biridir. Bu il ÇL-i qazana biləcək 4-5 komanda var ki, onlardan da biri məhz “Çelsi”di. Özü də bu komanda təkcə ÇL-i deyil, eyni zamanda Premyer Liqanı da qazanmağa qadirdi. Odur ki, qarşıda bizi çox çətin oyun gözləyir. Amma istənilən halda uğur qazanmaq üçün əlimizdən gələni edəcəyik. Yayda xeyli güclənən “Çelsi”yə qarşı mübarizə aparmaq asan deyil. Lakin bizim də rəqibə qarşı öz “silah”ımız var”.