İnzagi: “Ciddi hədəfləri olan komanda belə toplar buraxmamalıdır”

“Milan”ın baş məşqçisi Filippo İnzagi komandasının “A” seriyasının dördüncü turu çərçivəsində “Empoli” ilə bərabərə qaldığı oyun (2:2) haqda danışıb. Futbolxeber.az-ın məlumatına görə, gənc mütəxəssis müdafiə xəttinin oyunundan məyus olduğunu qeyd edib: “Çox qəribə oyun idi. Görüşün asan keçməyəcəyini bilirdik. Əbəs yerə “Roma”nın burda çətinlik çəkdiyini və 3 xala layiq olmadığını deməmişdim. İlk 30 dəqiqədə rəqibə uduzduq. Futbolçularımı “Empoli”nin cərimə zərbələrindən ehtiyatlanmalı olmaları barədə xəbərdar etmişdim. Ciddi hədəfləri olan komanda belə toplar buraxmamalıdır. Yalnız yarım saatın tamamından sonra biz həqiqi “Milan”ı gördük. Amma oyunun əvvəli biabırçılıq idi. İlk yarım saatda olanlara səbəb tapa bilmirəm”.