“Liverpul”un oyununda 31 penalti

İngiltərə kubokunun 1/16 final mərhələsi çərçivəsində keçirilən “Liverpul” - “Midlsbro” matçında maraqlı hadisə yaşanıb. Futbolxeber.az-ın məlumatına görə, görüşün əsas və əlavə vaxtı heç-heçə yekunlaşıb - 2:2. Bu səbəbdən də qalib penaltilər seriyasında aşkarlanıb. Penaltilər seriyası isə xeyli uzanıb. Belə ki, komandalar hərəyə 15 penalti yerinə yetiriblər. Yekunda da “Liverpul” 14:13 hesabı ilə qalib gələrək, mərhələ adlayıb. Hər iki komandanın heyətində 4 futbolçu penaltini 2 dəfə yerinə yetirib.

Qeyd edək ki, əlavə vaxtda “Midlsbro” cavab qolunu penaltidən vurduğundan ümumilikdə matçda 31 penalti zərbəsi yerinə yetirilib.