Sabiq “Arsenal”lı: “Adamsın Azərbaycan çalışmasından xəbərsizəm”

“Mançester Yunayted”in uğursuz çıxışı müvəqqəti xarakter daşıyır. Komanda yayda xeyli pul xərcləməklə heyətini gücləndirdi. İnanıram ki, tezliklə hər şey qaydasına düşəcək”. Futbolxeber.az-ın  məlumatına görə, bu sözləri hazırda Bakıda olan “Mançester Yunayted”in sabiq futbolçusu Mikael Silvestr deyib.

Sabiq futbolçu Bakı haqda da fikirlərini açıqlayıb: “Dünən gecə gəlmişəm. Ona görə də hələ ki, şəhəri gəzmək imkanım olmayıb. Gecə gəldiyimdən yalnız böyük binaların üstündəki işıqları, yeni tikililəri və təbii ki, inşa olunan olimpiya stadionunu gördüm”.

“Mançester Yunayted”dən sonra “Arsenal”da çıxış etmiş Silvestr, “topçular”ın canlı əfsanəsi Toni Adamsın Azərbaycanda çıxış etməsindən xəbərsiz olduğunu bildirib: “Adamsın burda çalışmasını bilmirdim. İndi sizdən öyrəndim”.