“Yuventus” 10 il əvvəlki rekordunu təkrarladı

“A” seriyasının üçüncü turunda “Yuventus” səfərdə “Milan”ı 1:0 hesabı ilə məğlub edib. Futbolxeber.az-ın məlumatına görə, bununla da Turin klubu mövsümə ardıcıl üç quruhesablı qələbə ilə başlayıb. “Milan”a kimi “Qoca Sinyora” “Kyevo”nu 1, “Udineze”ni isə 2 cavabsız qolla üstələmişdi.  

Qeyd edək ki, ardıcıl üç quruhesablı qələbə ilə “Yuventus”, 10 il əvvəlki rekordunu yeniləyib. Turin klubu 2004/05 mövsümünə də belə start vermişdi. Həmin vaxt komanda ilk 3 turda “Breşiya” (3:0), “Atalanta” (2:0) və “Sampdoriya”nı (3:0) üstələmişdi. Həmin mövsümün sonunda “Yuventus”un birinci, “Milan”ın isə ikinci yeri tutduğunu da əlavə edək.