Peter Şmeyxel: “Falkao sübut etdi ki...”

“Mançester Yunayted”in sabiq qapıçısı Peter Şmeyxel Radamel Falkaonun “Qırmızı şeytanlar”ın heyətinə qoşulmasını şərh edib. Futbolxeber.az-ın məlumatına görə, danimarkalı qolkiper Falkaonun yeni klubunda uğur qazanacağına əmin olduğunu bildirib: “Falkao “Mançester Yunayted”in əzəmətini geri qaytardı. Çünki son vaxtlar belə fikir formalaşmışdı ki, sanki böyük futbolçular daha “Mançester Yunayted”ə keçmək istəmirlər. Lakin Falkao “Mançester Siti”ni deyil, “Mançester Yunayted”i seçdi. Bununla da o, sübut etdi ki, böyük futbolçular hələ də “Mançester Yunayted”də oynamaq arzusundadırlar. Futbolçu kimi onun səviyyəsi şübhə doğurmur. Mən onun yeni klubunda da ulduz olacağına əminəm”.