Aziz Yıldırımdan əla mükafat

"Fənərbaxça"nın prezidenti Aziz Yıldırım "Benfika" ilə oyundan sonra paltardəyişmə otağına gələrək futbolçuları bir-bir təbrik edib. Futbolxeber.az-ın məlumatına görə, Yıldırımn xüsusən də penaltini qaçıran Kristian Baronini təsəlli edib. Klub başqanı Avroliqadakı uğurlu çıxışı layiqincə dəyərləndirəcəyini qeyd edib. Türkiyə mətbuatının iddiasına görə, Yıldırım finala yüksəlmək üçün komandaya 5, kuboku qazanmağa görə isə 10 milyon dollar mükafat vəd edib: "Siz kuboku alın, bu rəqəmin üzərindəki para da sizə halal olsun. Çempionatda müəyyən problemlər yaşasaq da, ümidimiz itməyib. Mən sizə sonuna qədər inanacağam. 3 kuboku da alacağımız ümid edirəm. Siz istədikcə məğlub edə bilməyəcəyiniz heç bir komanda yoxdur. Hər 3 kuboku alacağıq".

Qeyd edək ki, Avroliqanın yarımfinalında ilk matçında "Benfika"ya 1:0 hesabı ilə qalib gələn "Fənər"in çempionluq şansı az olsa da, komanda kuboku qazana bilər. Ölkə kubokunun 1/2 final mərhələsinin ilk matçında "sarı lacivərdlilər" səfərdə "Eskişehirspor"la 1:1-lik heç-heçə edib.