Sneyder: “İspanlara lazımı qədər problem yarada bilərik”

Hollandiya millisinin yarımmüdafiəçisi Uesli Sneyder bu gün DÇ-2014-ün qrup mərhələsinin ilk turu çərçivəsində İspaniyaya qarşı keçirəcəkləri oyun haqda danışıb. Futbolxeber.az-ın məlumatına görə, “Qalatasaray”ın üzvü İspaniyanı məğlub edə biləcəklərini düşünür: “Futbol belədir. Biz bu gün turnirə 4 il əvvəl finalda məğlub olduğumuz komandaya qarşı oyunla başlamalıyıq. Hər iki komanda bir-birini çox gözəl tanıyır. Odur ki, heç bir süpriz olmayacaq. Məncə, əla oyun alınacaq. Biz İspaniya millisinə lazımı qədər problem yarada bilərik. Çox güclü rəqibi məğlub etməliyik. Dünya çempionluğuna bir neçə komanda namizəddir. Onların arasında həm İspaniya, həm də Hollandiya var”.

Xatırladaq ki, İspaniya - Hollandiya matçı bu gecə Bakı vaxtı ilə 00:00-da start götürəcək.