“Beşiktaş”ın futbolçusu “Lokomotiv”ə keçir

Manuel Fernandeş “Beşiktaş”dan gedir. Futbolxeber.az-ın Türkiyə mətbuatına istinadən verdiyi məlumata görə, portuqaliyalı futbolçu karyerasını Rusiyada davam etdirəcək. O, Moskva “Lokomotiv”i ilə anlaşıb. 28 yaşlı futbolçunun “Beşiktaş”la müqaviləsi artıq başa çatmaq üzrədir. Bu səbəbdən də keçid Moskva klubuna havayı başa gələcək.

Fernandeş “Lokomotiv”lə 3 illik müqavilə imzalayacaq və bu müddət ərzində o, 12 milyon avro qazanacaq.

Xatırladaq ki, Fernandeş “Beşiktaş”da keçirdiyi 112 oyunda 20 qol vurub, 41 məhsuldar ötürmə verib.