“Liverpul” və “Şalke” Azarı transfer etmək istəyir

Müqavilə ilə “Çelsi”yə məxsus olan, lakin icarə əsasında “Zulte-Varegem”də çıxış edən Torqan Azar 2 klubun hədəfindədir. Futbolxeber.az-ın məlumatına görə, belçikalı müdafiəçinin xidmətində “Liverpul” və “Şalke” maraqlıdır.

“Çelsi”nin baş məşqçisi Joze Maurinyo bu günlərdə Torqen Azarın oyununa baxmaq üçün Belçikaya yollansa da, gördüklərindən məmnun qalmayıb. Portuqaliyalı mütəxəssis kiçik Azarın xidmətində maraqlı deyil. Bu səbəbdən də “Çelsi” yeni mövsüm öncəsi ya gənc müdafiəçini satacaq, ya da başqa bir kluba icarəyə verəcək.  

Qarşıdakı günlərdə Torqen Azar meneceri olan atası ilə birlikdə Londona yollanaraq, “Çelsi” rəhbərliyi ilə görüşəcək. Məhz bu görüşdən sonra onun taleyi müəyyənləşəcək.