“Çelsi”nin sabiq futbolçusu karyerasını başa vurdu

İngiltərə milli komandasının və “Çelsi”nin keçmiş müdafiəçisi Ueyn Bric futbolçu karyerasını başa vurub. Futbolxeber.az-ın məlumatına görə, 33 yaşlı futbolçu uzun müddətdir dizindəki zədədən qurtulmağa çalışsa da, heç cür istəyinə çata bilməyib. Bu səbəbdən də Bric futbolla vidalaşmaq qərarını qəbul edib. Xatırladaq ki, o, karyerası ərzində “Sautgempton”, “Çelsi”, “Fulhem”, “Mançester Siti”, “Vest Hem”, “Sanderlend”, “Brayton” və “Ridinq”də forma geyib. İngiltərə yığmasının da şərəfini qorumuş Bric, ən böyük uğurlarına “Çelsi”də imza atıb. Belə ki, London klubuyla birgə o, Premyer Liqanı, İngiltərə Kubokunu və Liqa Kubokunu qazanıb.