Neymar: "Məqsədim dünyanın ən yaxşı futbolçusu olmaq deyil"

"Santos"un hücumçusu Neymar məqsədləri, bəyəndiyi oyunçular haqda danışıb. Futbolxeber.az-ın məlumatına görə, braziliyalı futbolçu Messinin pərəstişkarı olduğunu bildirib: "Mənim məqsədim heç də dünyanın ən yaxşı futbolçusu olmaq deyil. Mən sadəcə futbol oynadığıma görə çox şadam. İndi "Santos"da çıxış edirəm. Məqsədim burada bacardıqca yaxşı oynayıb, qollar vurmaqdı. Avropa və Braziliya futbolu arasında ciddi fərq görmürəm. Hər yanda meydanda 2 komanda olur, 22 oyunçunun da hamısı qol vurmağa çalışır. Messi möhtəşəm futbolçudur. O bu günəcən gördüyüm ən yaxşı futbolçulardandı. Messi heç kimin gözləmədiyi qərarlar qəbul etməyə və hər an oyunun taleyini həll etməyə qadirdi. Deyə bilərəm ki, Messinin pərəstişkarıyam. İspaniyada yaxşı oyunçuların sayı kifayət qədərdi. Xavi, İnyesta və Fabreqasın da oyununu çox bəyənirəm. Onların həm futbolçu, həm də insani keyfiyyətləri əladır. Belə görünür ki, onlar sadə insandırlar, amma fantastik futbol sərigləyirlər".