“Qalatasaray” rəsmisi Mustafa Dənizli ilə danışıqlar apardıqlarını təsdiqlədi

"Qalatasaray" klubu "Xəzər Lənkəran"ın çalışdırıcısı Mustafa Dənizli və hazırda "Şaxtyor"un baş məçqçisi olan Mirça Luçesku ilə danışıqlar apardığını təsdiqləyib. Futbolxeber.az-ın məlumatına görə, “Cim-Bom”un rəsmisi Emir Sarıgül bu xəbəri təsdiqləyib. O, məşqçilərin təcrübəsindən yararlanmaq üçün bu addımı atdıqlarını deyib: "Gündəmimizdə məşqçi dəyişikliyi yoxdur. Bəziləri bilərəkdən "Qalatasay"da ab-havanın korlanmasını istəyir. Ancaq biz 2016-ci ilə qədər eyni məşqçi heyəti ilə yolumuza davam edəcəyik".

Qeyd edək ki, "Qalatasaray"ın mövsümün baş çatdıqdan sonra Mançini ilə yolları ayıracağı iddia edilirdi. Məşqçi postuna əsas namizədlərin Luçesku və Dənizli olduğu bildirilirdi.