"Dünya futbolunun yeni mərkəzləri Rusiya, Türkiyə və Almaniyadır"

PSJ-nin idman direktoru Leonardo Fransa çempionatına səviyyəli futbolçuların cəlb olunmasının çətinliyindən şikayətlənib. Futbolxeber.az-ın məlumatına görə, braziliyalı funksioner qeyd edib ki, hazırda futbolçular daha çox 3 ölkəyə üz tuturlar: "İbrahimoviç və Bekhemi razı salmaq heç də asan olmadı. Əgər, desəm ki onlara Eyfeli vəd etdim, bu, yalan olar. Həqiqət ondan ibarətdir ki, mən heç kimə söz vermirəm, cənnət vəd etmirəm. Sadəcə futbolçular və onların ailələri Parisdə yaşamaqda maraqlıdırlar. Amma bunu Fransanın digər şəhərləri haqda demək olmaz. Söhbət heç Fransa çempionatının səviyyəsindən də getmir. Sadəcə, futbolun coğrafiyasə dəyişir. Rusiya, Türkiyə və Almaniya - məhz bu ölkələr dünya futbolunun yeni mərkəzləridir".