“Yuventus” öz meydanında qonaq ola bilər

Avroliqanın final matçına ispan klubu ev sahibliyi edəcək. Futbolxeber.az-ın məlumatına görə, turnirin yarımfinal mərhələsinin püşkatmasından sonra final matçında nominal ev sahibinin müəyyənləşməsi üçün də püşk atılıb. Bu zaman isə ilk olaraq səbətdən 1 rəqəmi çıxıb. Bu isə o deməkdir ki, Avroliqanın Turində baş tutacaq final matçına ispanlar (“Sevilya” - “Valensiya” cütünün qalibi) ev sahibliyi edəcək. İkinci cütdə (“Benfika” - “Yuventus”) yer alan  “Yuventus” isə finala vəsiqə qazanacağı halda, həlledici qarşılaşmada qonaq qismində çıxış edəcək.