Törenin meneceri: “Gökhan “Beşiktaş”da qalmaq istəyir”

Müqavilə ilə “Rubin”ə məxsus olan, lakin icarə əsasında “Beşiktaş”ın şərəfini qoruyan Gökhan Törenin meneceri Ahmet Bulut müştərisinin gələcək karyerası haqda danışıb. Futbolxeber.az-ın məlumatına görə, A.Bulut G.Törenin “Beşiktaş”da qalmaq istədiyini bildirib: “Gökhan “Beşiktaş”da olmaqdan məmnundur. O, gələcəkdə də bu komandanın şərəfini qorumaq istəyir. Klub da onun xidmətində maraqlıdır. Tezliklə “Rubin” rəhbərliyi ilə görüşüm olacaq. Razılığa gəlsək, transfer rəsmiləşəcək. Gökhan qarşıdakı 4-5 il ərzində “Beşiktaş”da qalmaq istəyir. Amma bu məsələdə “Beşiktaş” rəhbərliyi də cəld tərpənməlidir. Məhz onlar “Rubin” rəsmiləri ilə transferin qiymətində ortaq məxrəcə gəlməlidirlər”.

Xatırladaq ki, “Beşiktaş” Gökhan Töreni birdəfəlik heyətinə qatmaq istəyir. “Rubin” bu keçidə görə 7,5 milyon avro tələb etsə də, İstanbul təmsilçisi qiyməti aşağı salmağa çalışır.