“Çelsi” PSJ önünə ciddi itkiylə çıxacaq

“Çelsi” Çempionlar Liqasının 1/4 final mərhələsinin ilk oyunu çərçivəsində səfərdə PSJ-yə qarşı keçirəcəyi matça ciddi itkiylə çıxacaq. Futbolxeber.az-ın məlumatına görə, London klubunun aparıcı hücumçusu Samuel Eto`О Paris klubu ilə matçda forma geyə bilməyəcək.

Bu haqda “Çelsi”nin baş məşqçisi Joze Maurinyo məlumat verib: “Eto`Onun Premyer Liqanın növbəti turu çərçivəsində “Kristal Pelas”a qarşı baş tutacaq matçda meydana çıxamayacağı dəqiqdir. Onun PSJ ilə matça kimi hazır olacağına inanmıram. Amma Eto`O cavab matçında mütləq forma geyəcək”.

Xatırladaq ki, 33 yaşlı kamerunlu forvard Premyer Liqanın 31-ci turu çərçivəsində “Arsenal”a qarşı baş tutan oyunda (6:0) xəsarət alıb.