Hiddink Hollandiya millisini çalışdıracağını təsdiqlədi

Qus Hiddink qarşıdakı dünya çempionatından sonra Hollandiya millisini çalışdıracağını təsdiqləyib. Futbolxeber.az-ın məlumatına görə, təcrübəli mütəxəssis bildirib ki, hazırda yeni məşqçilər korpusunu formalaşdırmaq üzərində çalışır. Onun köməkçiləri olmağa namizədlər isə Rud van Nistelroy, Yap Stam, Danni Blind və Covanni van Bronkhortsdu.

Hiddink DÇ-2014-dən sonra yığmanın başına keçəcək və komandanı AVRO-2016-nın sonuna kimi çalışdıracaq. Qarşılıqlı razılığa əsasən, növbəti qitə birinciliyindən sonra təcrübəli mütəxəssis federasiyada vəzifə alacaq.

Xatırladaq ki, DÇ-2014-də Hollandiya millisini Lui van Qal çalışdıracaq.