Boksçumuz dünya çempinatına qələbə ilə başladı

İngiltərənin Liverpul şəhərində boks üzrə dünya çempionatı start götürüb.

Futbolxeber.az saytının məlumatına görə, Azərbaycan millisi mundialda 10 kişi və 1 qadın boksçu ilə təmsil olunur.

Bu gün idmançılarımızdan 1/32 final mərhələsində Zaur Qəhrəmanov (65 kq.) Denis Brillə (Almaniya) üz-üzə gəib. Hər 3 raundu xeyrinə bitirən boksçumuz yekunda 4:1 (27:30, 29:28, 29:28, 29:28, 30:27) hesabı ilə qələbə qazanıb.

O, 1/16 finalda ilk mərhələdən azad olan Falkao Dos Reyslə (Braziliya) döyüşəcək. Görüş sentyabrın 7-də olacaq.

Bu gün həmçinin, Azərbaycanın yarışdakı digər təmsilçisi - Sərxan Əliyev (70 kq.) Karlos Flouerslə (ABŞ) üz-üzə gələcək.

Dünya çempionatında 68 ölkədən 329 kişi, 225 qadın boksçu mübarizə aparacaq. Yarışa sentyabrın 14-də yekun vurulacaq.