Karlsen hansı futbolçularla şahmat oynamaq istərdi?

Şahmat üzrə 16-cı dünya çempionu, dünya reytinqinin lideri Maqnus Karlsen şahmat oynamaq istədiyi futbolçuların adlarını açıqlayıb. 

 

Futbolxeber.az saytının "The Guardian”a istinadən verdiyi məlumata görə, norveçli qrossmeyster ilk növbədə Məhəmməd Salahla qarşılaşmaq istəyir:

 

“Mən böyük futbol azarkeşiyəm və şühbəsiz ki, Salahın fanatıyam. Hələlik onunla qarşılaşmaq mənə qismət olmayıb. Amma bunu çox istərdim. Eləcə də fəxr etdiyim şahmat oynayan digər futbol ulduzları ilə. Həmçinin bilirəm ki, Edeqor (Karlsenin həmyerlisi, “Arsenal”ın futbolçusu) şahmatla maraqlanır. Onunla da oynamaq pis olmazdı. Lakin futbolçular arasında kimin ən yaxşı olduğunu deyə bilmərəm”.  

 

Xatırladaq ki, daha əvvəl Məhəmməd Salah şahmat aludəçisi olduğunu və Maqnus Karlssenlə fəxr etdiyini açıqlamışdı.