“Abşeron” “Azərreyl”i məğlub etdi

Qadın voleybolçuların Yüksək Liqasında XV turun növbəti oyunu keçirilib.

Futbolxeber.az saytının məlumatına görə, turnir cədvəlinin lideri “Azərreyl” “Abşeron”u qəbul edib. Gənclər və İdman Nazirliyinin Voleybol Mərkəzində reallaşan görüş nominal qonaqların qələbəsi ilə yekunlaşıb - 3:0.

Bu nəticədən sonra xallarını 30-a yüksəldən “Abşeron” 3-cü pillədə qalıb. “Azərreyl” isə 36 xalla vahid liderdir.

Tura hazırda davam edən “Gəncə” - “Murov Az Terminal” qarşılaşması ilə yekun vurulacaq.

Qeyd edək ki, turun açılış matçında “Milli Aviasiya Akademiyası” UNEC-ə 3:0 hesabı ilə qalib gəlib.