Yunanıstan olimpiadanın boykot edilməsinə qarşıdır

Yunanıstanın Beynəlxalq Olimpiya Komitəsinin sədri Spiros Kapralos Parisdə keçiriləcək növbəti olimpiadanın boykot edilməsinin tərəfdarı olmadığını bildirib.  

Futbolxeber.az saytının xarici KİV-ə istinadən verdiyi məlumata görə, Lapralos bildirib ki, idmanı siyasətə qatmaq düz deyil:

“Olimpiya Oyunları yarandığı gündən Yunanıstan bütün turnirlərdə iştirak edib. Heç vaxt hansısa boykota qoşulmamışıq və Olimpiadanın nizamnaməsinə hörmətlə yanaşırıq. İdman və olimpizm siyasətlə bir tutulmamalıdır. Olimpiya Oyunlarının boykotu ilk növbədə idmançılara mənfi təsir göstərəcək. Hansı ki, ciddi şəkildə 4 illiyin ən böyük yarışına hazırlaşaraq xəyallarını gerçəkləşdirməyi hədəfləyirlər. Odur ki, biz olimpiadanın boykot edilməsinə qarşıyıq”.

Qeyd edək ki, bəzi ölkələr Rusiya və Belarusiyadan olan idmançıların Olimpiya Oyunlarında iştirakına icazə veriləcəyi halda turniri boykot edəcəklərini bildiriblər.