Lebron Ceyms rekordu haqda: “Hər zaman qurduğum xəyalı reallığa çevirdim”

Lebron Ceyms NBA tarixinin ən məhsuldar basketbolçusu olması haqda danışıb.

Futbolxeber.az saytının xarici KİV-ə istinadən verdiyi məlumata görə, 38 yaşlı basketbolçu  bildirib ki, hər zaman qurduğu xəyalı reallığa çevirib:

“İlk növbədə “Leyksers”in sadiq azarkeşlərinə təşəkkür etmək istəyirəm. Siz öz sahənizdə birincisiz. Kərim Abdul-Cabbar kimi əfsanə ilə yanaşı dayanmaq mənim üçün çox şey deməkdir. Həyat yoldaşıma, qızıma, iki oğluma, dostlarıma minnətdaram. Bu 20 il ərzində mənimlə birgə olan hər kəsə təşəkkür edirəm. Siz olmasaydız, mən bu uğurları qazana bilməzdim. Eləcə də NBA-ya təşəkkür edirəm. Hər zaman qurduğum xəyalı reallığa çevirdim”.  

Xatırladaq ki, ötən gecə “Okohamo” ilə oyunun üçüncü hissəsində Ceyms karyerası ərzində topladığı xalların ümumi sayını 38388-ə çatdırmaqla NBA tarixinin ən məhsuldar basketbolçusu olub.