“Özümü basketbol tarixin ən yaxşısı hesab edirəm”

Ötən gecə “Okohamo” ilə görüşdə NBA tarixinin ən məhsuldar basketbolçusu adını qazanan Lebron Ceyms maraqlı açıqlamaları ilə diqqət çəkib.

Futbolxeber.az saytının xarici KİV-ə istinadən verdiyi məlumata görə, 38 yaşlı idmançı “Basketbol tarixinin ən yaxşısı kimdir” sualını belə cavablandırıb:

“Bu, mənim həll edə biləcəyim məsələ deyil. Amma bərbərlər üçün yaxşı mövzudur (gülür). Şəxsən mən özümü basketbol tarixinin ən yaxşısı hesab edirəm. Təbii ki, hər kəsin öz favoriti var. Biri üçün ən yaxşı olan digəri üçün elə deyil. Əsas odur ki, mən nə qazandığımı, meydançada nəyə qadir olduğumu bilirəm. Tarix boyu möhtəşəm basketbolçular çox olub və onların sırasında yer almaq çox xoşdur”.

Qeyd edək ki, ötən gecə “Okohamo” ilə oyunun üçüncü hissəsində “Los Anceles Leykers”in üzvü karyerası ərzində topladığı xalların ümumi sayını 38388-ə çatdırmaqla NBA tarixinin ən məhsuldar basketbolçusu olub. Lebron Ceyms karyerası ərzində 38387 xal toplayan Kərim Abdul-Cabbar 34 illik rekordun qırıb.