“Alfa Romeo” yeni mövsüm üçün avtomobilini təqdim etdi

“Formula-1”in iştirakçılarından olan “Alfa Romeo” komandası yeni mövsüm üçün avtomobilini təqdim edib.

Futbolxeber.az saytının xarici KİV-ə istinadən verdiyi məlumata görə, əvvəlki mövsümdə olduğu kimi, bu il də komandanın heyətində Valtteri Bottas və Çjou Quanyu yarışacaq. 

2023 İsveçrə kollektivi üçün hazırkı sponsor “Zauber”lə son mövsümdür. İlin sonunda tərəflər əməkdaşlığı dayandıracaqlar.

Xatırladaq ki, “Alfa Romeo” 2019-cu ildən “Formula-1”də çıxış edir.

Əlavə edək ki, “Formula-1” üzrə 74-cü dünya çempionatı martın 5-də Bəhreyndə start götürəcək. 23 mərhələdən ibarət yarışa noyabrın 26-da Abu-Dabidə yekun vurulacaq. Dünya çempionatının 4-cü mərhələsi olan Bakı Qran Prisi isə aprelin 30-da keçiriləcək.