Cokoviç rekordunu yenilədi: 375 həftədi zirvədədi

“Böyük dəbilqə” turnirlərinin 22 qat qalibi Novak Cokoviç öz rekordunu yeniləyib.

Futbolxeber.az saytının xarici KİV-ə istinadən verdiyi Cokoviç artıq 375 həftədir ki, dünya reytinqinə başçılıq edir. O, ilk dəfə 2011-ci ilin 4 iyulunda dünya reytinqinin 1 nömrəsi olub. 

Serb tennisçi peşəkar karyerasında keçirdiyi oyunlarda 1043 qələbə qazanıb, 206 dəfə uduzub. Cokoviç 93 titul qazanıb. 22 “Böyük dəbilqə” çempionluğundan 10-u “Australian open”in, 2-si “Rolland Qarros”un, 7-si “Uimbldon”un, 3-ü də “USA Open”in payına düşür. Maraqlıdır ki, Cokoviç bu il “Australian open”də ombası zədəli ola-ola çempionluq qazanıb.