4 qat olimpiya çempionu Parisi zilib yığını adlandırdı

Biatlon üzrə 4 qat olimpiya çempionu Aleksandr Tixonov Paris meri Ann İdalqonu sərt şəkildə tənqid edib.

Futbolxeber.az saytının xarici KİV-ə istinadən verdiyi məlumata görə, rusiyalı veteran idmançı xanım İdalqonun Rusiya idmançılarının gələn il Parisdə keçirilən Olimpiya Oyunlarına buraxılmamalı olduqları haqda açıqlamasına belə cavab verib:  

“Mənim üçün Fransa və Paris mənim ilk olimpiadamdır. Əsl Fransa o vaxt var idi. İndiki isə əsl zibil yığınıdı. İnsan fikrini qısa zamanda necə dəyişə bilər? Ümumiyyətlə, o, nə danışdığını bilmir. Parisi merinə mənim adımdan deyin ki, psixiatra getsin. O, xəstə adamdır. Özü də heç vaxt idmanla məşğul olmayıb. Bilmir ki, əziyyət nə deməkdir”.

Xatırladaq ki, Parisin meri Ann İdalqo rusiyalı idmançıların gələn il Fransa paytaxtında keçiriləcək Yay Olimpiya Oyunlarına iştirakına qarşı çıxıb. O, rusiyalı idmançıların neytral bayraq altında çıxış etmələri təklifini də dəstəkləmədiyini bildirib. Halbuki yanvarın 27-də verdiyi açıqlamada Paris meri rusiyalı idmançıların neytral statusda olimpiadada çıxış etmələrinin tərəfdarı olduğunu bildirmişdi.