Paris meri rusiyalı idmançıların Olimpiadada iştirakına qarşı çıxdı

Parisin meri Ann İdalqo rusiyalı idmançıların gələn il Fransa paytaxtında keçiriləcək Yay Olimpiya Oyunlarına iştirakına qarşı çıxıb.

Futbolxeber.az saytının “France Info”YA istinadən verdiyi məlumata görə, o, yekun qərarı Beynəlxalq Olimpiya Komitəsinin verəcəyini bildirib:

“Onların (rusları nəzərdə tutur) heç nə olmamış kimi Parisə gəlmələrini təsəvvür edə bilmirəm. Mən buna qarşıyam. Hətta rusiyalı idmançıların neytral bayraq altında çıxış etmələri təklifini də dəstəkləmirəm. Düzdür, mənim qərarım həlledici deyil. Bu məsələdə son qərarı Beynəlxalq Olimpiya Komitəsi verəcək”.

Maraqlıdır ki, daha əvvəl, yanvarın 27-də verdiyi açıqlamada Paris meri rusiyalı idmançıların neytral statusda olimpiadada çıxış etmələrinin tərəfdarı olduğunu bildirmişdi: “İdmançılar yarışdan kənarda qalmamalıdırlar”.