Klub prezidenti hamilə qadınlarla kobud rəftarına görə vəzifəsindən getdi

Milli Basketbol Assosiasiyasında (NBA) mübarizə aparan “Feniks Suns” klubunun prezidenti Ceyson Rouli istefa verib.

Futbolxeber.az saytının xarici KİV-ə istinadən verdiyi məlumata görə, Rouli klubun əməkdaşlarına qarşı hörmətsizlik etməkdə ittiham olunur. Belə ki, o, işçiləri tez-tez təhqir etməkdə, hamilə qadınlara qarşı kobud rəftar etməkdə günahlandırılır. Halbuki 2007-ci ildən “Feniks Suns”a rəhbərlik edən Rouli daha əvvəl haqqında səsləndirilən ittihamları rədd edirdi.

Maraqlıdır ki, klubun əvvəlki prezidenti Robert Sarver də əməkdaşlarla mənfi davranışlarına vəzifəsindən ayrılmaq məcburiyyətində qalmışdı.