Lebron Ceyms: “21 yaşlı gənclərdən daha sürətli qaçıram”

“Los Anceles Leykers”in basketbolçusu Lebron Ceyms hazırkı idman forması haqda danışıb.

Futbolxeber.az saytının xarici KİV-ə istinadən verdiyi məlumata görə, 38 yaşlı basketbolçu özünü 20 yaşlı həmkarlarından daha yaxşı formada hiss etdiyini bildirib:

“4 gündən bir oyunumuz olanda düşünürəm ki, mənə çox çətin olacaq. Hətta özülüyümdə deyirəm ki, “bu yükləməyə dözə bilməyəcəyəm. Çünki 20 yaşlı gənclərə qarşı oynamalıyam. Ona görə də, hər şey pis başa çatacaq”. Lakin sonradan meydana çıxıram, 21 yaşlılardan daha sürətli qaçıram, 23 yaşlılardan daha yüksəyə tullanıram. Oyun zamanı özümü əla hiss edirəm. Özü də təkcə fiziki cəhətdən deyil, həm də ağılla oynayıram. Hazırda NBA-ada 20-ci mövsümümü keçirirəm, ona görə də 10, hətta 5 il əvvəlkindən daha ağıllı çıxış etməliyəm”.

Qeyd edək ki, Ceyms cari mövsüm orta hesabla hər oyun 30 xal toplayır. Qarşıdakı matçlarda 38 yaşlı basketbolçu daha 36 xal toplayacağı halda, məhsuldarlığına görə NBA-nın rekordunu qıracaq.