Dopinqdən istifadəyə görə 32 aylıq cəza

İtaliyanın “Milan” basketbol klubunun sabiq üzvü Dinos Mitoqlunun dopinqdən istifadə etdiyi aşkarlanıb.

Futbolxeber.az saytının xarici KİV-ə istinadən verdiyi məlumata görə, 26 yaşlı forvarddan götürülmüş analizin cavabı müsbət çıxıb.

Mitoqlu yoxlamadan 2022-ci ilin martında Avroliqa çərçivəsində “Panatinaikos”a qarşı keçirilmiş oyundan sonra keçib. Yunan basketbolçunun orqanizmində aşkarlanan dopinq Ümumdünya Antidopinq Agentliyi tərəfindən istifadəsi qadağan olunmuş maddələrdən ən ağırı hesab olunur.

Bu səbəbdən də o, 32 aylıq cəzalandırılıb. Lakin basketbolunun qərardan apellyasiya vermək hüququ var. Bu səbəbdən də Mitoqlunun tezlikə İdman Arbitraj Məhkəməsinə (CAS) müraciət edəcəyi gözlənilir.  

Qeyd edək ki, Dinos Mitoqlu sonuncu dəfə 2022-ci ilin 10 martında “Real”la görüşdə meydana çıxıb. 2021/22 mövsümündə o, “Milan”ın heyətində Avroliqada orta hesabla hər oyunda 8,5 xal toplayıb.