NHL tarixində 800 qələbəyə çatan 6-cı məşqçi

Milli Hokkey Liqasının (NHL) növbəti oyunları çərçivəsində “Florida” “Tampa Bey” üzərində 7:1 hesablı qələbə qazanıb.

Futbolxeber.az saytının xarici KİV-ə istinadən verdiyi məlumata görə, bu qələbə “Florida”nın baş məşqçisi Pol Moris üçün əlamətdar olub. Belə ki, o, karyerası ərzində baş məşqçi kimi 800-cü qələbəsini qazanıb.

56 yaşlı mütəxəssis NHL tarixində 800-cü qələbəyə çatan 6-cı məşqçidir. Bu sıralamada rekord Skotti Boumenə məxsusdur - 1244 qələbə. Milli Hokkey Liqasının tarixində ən çox qələbə qazanan məşqçilərin siyahısında həmçinin, Coel Kennevill (969 qələbə), Barri Trotsu (914), Ken Hiçkok (849) və Lind Raff (815) yer alır.

Qeyd edək ki, yubiley qələbəsini qazanan Pol Moris məşqçi karyerasına 1995-ci ildən, 28 yaşında başlayıb. Karyerası ərzində o, “Hartford”, “Karolina”, “Toronto” kimi klubları da çalışdırıb.