Şəhriyardan növbəti heç-heçə

Berlində şahmat tacına iddiaçıların turniri davam edir.

Futbolxeber.az saytının məlumatına görə, ilk dövrənin son turunda azərbaycanlı qrossmeyster Şəhriyar Məmmədyarov Aleksandr Qrişukla üz-üzə gəlib. Ötən turda ağ fiqurlarla Vladimir Kramnikə qalib gələn Məmmədyarov bu dəfə qara fiqurlarla oynayıb. Görüş heç-heçə ilə nəticələnib.

Aleksandr Qrişuk - Şəhriyar Məmmədyarov - 0,5:0,5

Vladimir Kramnik - Liren Ding - 0,5:0,5

Sergey Karyakin - Uesli So - 1:0

Levon Aronyan - Fabiano Karuana - 0:1

Turnir cədvəli: Karuana - 5 xal, Məmmədyarov - 4,5; Kramnik, Dinq, Qrişuk - 3; Karyakin - 3, Aronyan, So - 2,5.