“Bakı-2015”: Rəsmi bağlanış mərasimində idmançıların paradı keçirilib

Bakı Olimpiya Stadionunda Bakı-2015 I Avropa Oyunlarının rəsmi bağlanış mərasimində idmançıların paradı başa çatıb. Futbolxeber.az-ın APA-ya istinadən verdiyi məlumata görə, Bakı 2015 I Avropa Oyunlarında 17 gün ərzində 20 idman növü üzrə davam edən yarışa Avropanın 50 ölkəsindən 6 mindən çox idmançı, o cümlədən 10 minə yaxın nümayəndə heyəti təşrif buyurub.

Stadionun ekranlarında nümayiş olunan qısa film öz enerjisi, ruh yüksəkliyi və fədakarlıqları ilə Bakı 2015: I Avropa Oyunlarının uğurla keçməsinə töhfə verən 12 500 alovqoruyan könüllüyə minnətdarlığı ifadə edib.

Bunun ardınca 50 uşaq “Çal-oyna” xalq mahnısını xorla oxuyub. Daha sonra 17 gün ərzində arenalarda mübarizə aparmış 50 dövlətin atletləri səhnəyə çıxıb. Bununla da rəsmi bağlanışın “İdmançıların paradı” hissəsi başa çatıb.