“Heç “Tur de Frans”da komandalar Azərbaycandakı kimi gözəl otellərdə qalmırlar”

“İlk öncə Azərbaycan dövlətinin rəhbərliyinə təşəkkür edirəm. Ölkəniz böyük bir yarışı çox yüksək səviyyədə təşkil etdi”. Futbolxeber.az-ın məlumatına görə, bu sözləri Avropa Velosipedçilər Birliyinin vitse-prezidenti Aleksandr Qusyatnikov deyib.

O, Bakının I Avropa Oyunlarını keçirməyə tam hazır olduğunu söyləyib:“Baki 2015” öncəsi bu çox yaxşı sınaq idi. Çox maraqlı mərhələyə şahidlik etdik. Görürəm ki, hamı bu yarışa artıq hazırdır. Əsas odur ki, Azərbaycanın çox gözəl komandası var. Onlar nəticə qazanmaq üçün çox səylə çalışırdılar. Bu, böyük zəhmətin bəhrəsidir. Əminəm ki, biz bu turu gələcəkdə dünyanın ən baxımlı yarışları arasında görəcəyik. “Synergy Baku”nun üzvləri artıq bir çox mötəbər yarışlarda iştirak edirlər.

Avropa Velosipedçilər Birliyinin fəxri baş katibi Roland Hofer isə fikirlərini belə ifadə edib: “İlk öncə Sahib Ələkbərov başda olmaqla, yarışın Təşkilat Komitəsinə təşəkkür edirəm. Bu, sayca 4-cü yarışdı. Hər il turnirin səviyyəsi daha da artır. Azərbaycan da yarışın təşkili üçün bütün şərait var. Gözəl yollar, otellər. Heç “Tur de Frans”da komandalar Azərbaycandakı kimi gözəl otellərdə qalmırlar. Mühafizə sistemi də əla təşkil olunub. Buna görə də Azərbaycan polisinə də minnətdarlıq edirdik. Avropa oyunları üçün bu mərhələ ideal marşrutdu. Məndə olan məlumnata görə, I Avropa Oyunlarında ən güclü idmançılar Azərbaycana gələcəklər. Gələn il “Tour d’Azerbaidjan-2015"in kiçik yubileyidir. Yarışın 5 illiyi olacaq. Əminəm ki, 2016-cı ildə ölkəniz bu yarışı indikindən də yüksək səviyyədə keçirəcək”.