Oyunçular "vaxt öldürdü", azarkeşlər etiraz etdi

Bu gün futzal üzrə ölkə çempionatının növbəti turu çərçivəsində keçirilən “Fənər” - “Xəzər adaları” (4:3) oyununda maraqlı epizod yaşanıb. Futbolxeber.az-ın məlumatına görə, ikinci hissənin gedişində oyunçular meydanda “vaxt öldürməyə” başlayıblar. Belə ki, “Xəzər adaları”nın üzvləri meydanın özlərinə aid hissəsində bir-birilərinə ötürmə ediblər. “Fənər”in oyunçuları isə meydanın özlərinə aid hissəsində dayanaraq, pressinq tətbiq etməyərək, rəqibin paslaşmasına tamaşa ediblər. Bu məqam görüşü “ABU Arena”da canlı olaraq izləyən azarkeşlərin ciddi narazlığına səbəb olub. Fanatların etirazı nəticəsində təxminən 1 dəqiqə davam edən “tamaşa”ya nəhayət ki son qoyulub.