6 Aprel 2025, Bazar günü
XXIX turun hakim təyinatları
“Qəbələ” Premyer Liqada!
Millimizin heyəti açıqlandı
Millimiz FİFA reytinqində gerilədi

Digər idman növləri

Almaniya Bundestaqında birinci Avropa Oyunlarının təqdimatı keçirilib

Almaniya Bundestaqında Azərbaycanda keçiriləcək “Bakı-2015” ilk Avropa Oyunlarının təqdimatı olub. Futbolxeber.az-ın Azərtac-a istinadən verdiyi məlumata görə, Bundestaqın İdman Komitəsinin təşəbbüsü ilə keçirilən tədbirdə bu komitəni təmsil edən deputatlar, Almaniya Federativ Respublikası Hökuməti və bu ölkənin Milli Olimpiya Komitəsinin nümayəndələri, Bundestaq Aparatı və deputat bürolarının əməkdaşları, jurnalistlər iştirak ediblər.

Bundestaqın İdman Komitəsinin sədri, deputat Daqmar Frayta tədbirdə çıxış edərək “Bakı-2015” birinci Avropa Oyunlarının əhəmiyyətinə toxunub.

Azərbaycanın Almaniyadakı səfiri Pərviz Şahbazov ölkələrimiz arasındakı münasibətlərin hazırkı vəziyyəti, həyata keçirilən siyasi, iqtisadi, sosial və mədəni əməkdaşlıqdan danışıb.

Avropa Oyunlarının Təşkilat Komitəsinin üzvü, Prezident yanında Gənclər Fondunun icraçı direktoru Fərhad Hacıyev Oyunlara hazırlıq işlərinin yüksək səviyyədə aparıldığını bildirib.

Tədbirdə Avropa Oyunları zamanı tətbiq olunacaq asanlaşdırılmış viza qaydaları, Oyunlarda iştirak etmək istəyən jurnalistlər üçün akkreditasiya şərtləri, müasir infrastruktur layihələri barədə məlumat verilib.

Çıxışlardan sonra məruzəçilər Bundestaqın İdman Komitəsi üzvlərinin Avropa Oyunlarına hazırlıqla bağlı suallarını cavablandırıb.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30