Topazda uduşlar verilmədi ÖZƏL

Yarandığı gündən tez-tez tənqid olunan Topaz növbəti dəfə mərc həvəskarlarının qınağına tuş gəlib. Futbolxeber.az-ın məlumatına görə, 2 gün əvvəl Topazın təşkil etdiyi Tazı yarışları növbəti dəfə narazılığa səbəb olub. Belə ki, 15:57-də start götürən 13-04 nömrəli yarış sensasiya ilə nəticələnib. Ən böyük əmsalla (7,5) dəyərləndirilən 3 nömrəli tazı yarışın qalibi olub. İkinci və üçüncü yerləri tutan tazıların da əmsalları yüksək olduğundan mərc həvəskarları böyük miqdarda uduşa sahib çıxıblar. Lakin çox keçmədən qaliblərin sevincləri ürəylərində qalıb. Belə ki, Topaz heç bir səbəb göstərmədən yarışın nəticəsini ləğv edib və əmsallar 1-lə dəyərləndirilib. Yəni, mərc həvəskarlarına etdikləri mərcin məbləği geri qaytarılıb. Bu isə ciddi narazılığa səbəb olub.

Qeyd edək ki, tazı yarışlarında yalnız bir halda - qaçış baş tutmadığı zaman əmsallar 1-lə dəyərləndirilir. 15:57-də start götürən 13-04 saylı yarış isə normal qaydada yekunlaşıb.