Minifutbol millimizin zəfər turu

Avropa çempionu olan minifutbol üzrə milli komandamızın zəfər turu təşkil olunub.

Futbolxeber.az saytının məlumatına görə, tur marşrutu boyunca paytaxt sakinləri və şəhər qonaqları Avropa çempionlarını salamlayaraq onların tarixi nailiyyətini böyük sevinc və qürur hissi ilə qarşılayıblar. Milli komandanın üzvləri də azarkeşlərlə ünsiyyət quraraq dəstəyə görə təşəkkürlərini bildiriblər.

Tədbir Azərbaycan minifutbol tarixində əldə edilmiş bu mühüm uğurun qeyd olunması və komandanın qələbə sevincinin azarkeşlərlə bölüşülməsi məqsədilə təşkil edilib. Bayraq və şüarlarla müşayiət olunan görüş ölkədə idmana olan marağın və milli komandaya dəstəyin daha bir nümunəsinə çevrilib.