Bu da “Çelsi”nin qəhramanı

İngiltərə Premyer Liqasının 24-cü turu çərçivəsində “Mançester Siti”ni 1:0 hesabı ilə məğlub etdikləri oyundan sonra “Çelsi”nin baş məşqçisi Joze Maurinyo qazanılan qələbədə komandanın massajçısı Billi Makkaloxun əməyini xüsusi qabartmışdı. Futbolxeber.az-ın məlumatına görə, portuqaliyalı mütəxəssis oyundan öncə komanda meydana çıxarkən futbolçuları özünün yox, massajçı Makkaloxun ruhlandırdığını bildirmişdi: “O, şotland ləhcəsi ilə elə danışır ki, mən heç nə başa düşmürəm. Ancaq onu anladım ki, Billinin çıxışı futbolçulara əla təsir etdi. Nitq bitdikdən sonra onlar Makkaloxa minnətdarlıq edib, bir-birilərinə uğurlar arzuladılar. Tam ciddiyəm, mən futbolçularla sonuncu dəfə günorta danışmışdım. Bütün tapşırıqlarımı da onda vermişdim. Billi həqiqətən də möhtəşəm idi”.

Həmin massajçının fotosu bu gün İngiltərə qəzetlərinin bəzəyinə çevrilib.