“Xəzər Lənkəran” marş və mahnı müsabiqəsinə start verdi

“Xəzər Lənkəran” Futbol Klubunun yaranmasının 10 illik yubileyi ilə əlaqədar marş və mahnı müsabiqəsinə start verilib. Futbolxeber.az-ın məlumatına görə, müsabiqənin formatı aşağıdakı şəkildədir:

1. Müsabiqədə iştirak etmək üçün peşəkar musiqi fəaliyyəti ilə məşğul olmaq şərtdir.

2. Müsabiqə 2014-cü ilin fevral ayının ilk həftəsindən başlayıb 2014-cü ilin may ayının 5-də yekunlaşacaq.

3. Müsabiqədə iştirak edənlər təqdim etdikləri marş və ya mahnını tam hazır şəkildə, CD-yə yazılmış formatda klubun Bakı və Lənkəran ofisinə təqdim etmələri xahiş olunur.

4. Müsabiqədə “Xəzər Lənkəran” klubunun keçdiyi 10 illik tarixə həsr olunan marş və mahnıların qalibləri

- I yer - 5000 manat

- II yer - 3000 manat

- III yer –-1000 manat olmaqla mükafatlandırılacaqlar.

 Əlavə sualı olanlar “Xəzər Lənkəran” Futbol Klubunun mətbuat xidməti ilə əlaqə saxlaya bilərlər.