Orxan Məmmədov: "Azərbaycan dünya çempionatına ev sahibliyi etməkdən qürur duyur"

"Azərbaycan Minifutbol Federasiyasının prezidenti və turnirin ev sahibi kimi hər kəsə uğurlar arzulayıram. Azərbaycan bu cür tədbirə ev sahibi etməkdən qürur duyur".

Futbolxeber.az saytının məlumatına görə, bu sözləri Azərbaycan Minifutbol Federasiyasının prezidenti Orxan Məmmədov Bakıda keçirilən dünya çempionatının püşkatması zamanı çıxışında deyib. 

O, Bakının hər zaman beynəlxalq turnirlərə yüksək səviyyədə ev sahibliyi etdiyini bildirib: "Bu turnir təkcə yarış deyil. Biz həm də dostluğu yaradırıq, oyunla bağlı öz hisslərimizi gücləndirirk. Minfiutbol son illərdə inkişaf edib. Bu gün biz onun gücünü , insanları ilhamlandırdığını, gənc nəsli istiqamətləndirdiyini görürük. Azərbaycan üçün bu yarış vacibdir. Biz daha əvvəl Avropa çempionatının qalibi olmuşduq. Həmin vaxt Azərbaycan prezidenti cənab İlham Əliyev şəxsən Avropa çempionları ilə görüşmüşdü. Bu da idmançılarımız üçün böyük motivasiya idi. Bu məqam ölkəmizdə minifutbolun inkişafına və kömək oldu. Bu günə qədər ölkəmiz bir çox beynəlxalq tədbirlərə yüksək səviyyədə ev sahibliyi edib - Avropa oyunları, İslam Həmrəylik oyunları, 2019-cu ildə Avropa Liqasının final görüşü, AVRO 2020-nin 4 oyunu; Formula 1 və s. Əminik ki, Baku-2025 unudulmayacaq yarış olacaq. Mən dünya minifutbol federasiyasına və xüsusən dostum, Filip Yudaya təşəkkür edirəm. İstərdim ki, bütün federasiyalara bizə etimad göstərdiklərinə görə minnətdarlığımı bildirim".