Çempion 7, vitse-çempion 6 qolla qalib gəldi

Minifutbol üzrə Azərbaycan çempionatında 13-cü tura start verilib.

Futbolxeber.az saytının məlumatına görə, ilk oyun günündə 3 qarşılaşma keçirilib. Son çempion “Birbaşa Bakı” “Sumqayıt”ın qapısından 7 cavabsız qol keçirib.

Ötən mövsümün gümüş medalçısı “Aznur” isə 6 qolla qalib gəlib.

15 yanvar

“Aznur” - “Galaxy” - 6:2

“Sumqayıt” - “Birbaşa Bakı” - 0:7

“Siyəzən” - “Şamaxı” - 4:3

Turun son 4 oyunu bu gün keçiriləcək. Bununla da çempionatda ilkin mərhələyə yekun vurulacaq.

Hazırda “Birbaşa Bakı” 37 xalla vahid liderdir. “Aznur” 32 xalla ikinci pillədə qərarlaşsa da, bir oyun az keçirən “Zirə”nin hesabında 31 xal var. Bu 3 komanda ilə yanaşı, “Sumqayıt”, “Galaxy”, “Göyçə” və “Star Bakı” pley-offa vəsiqəni təmin ediblər. Medallar uğrunda mübarizəni davam etdirəcək sonuncu komandanın adı isə bugünkü matçlardan sonra müəyyənləşəcək. Hazırda son vəsiqəyə “Laçın”, “Bakı -145” və “Çinar Zəngilan” namizəddirlər.