Şəhriyar Rəhimov dəfn olundu

Ötən gün dünyasını dəyişən Azərbaycan millisinin sabiq üzvü Şəhriyar Rəhimov dəfn olunub.

Futbolxeber.az saytının məlumatına görə, mərhum futbolçu Xırdalan şəhər qəbiristanlığında atası Ağəli Rəhimovun yanında torpağa tapşırılıb.

Dəfn mərasimdə Ş.Rəhimovun ailə üzvləri, yaxınları, keçmiş komanda yoldaşları və futbol ictimaiyyətinin nümayəndələri iştirak ediblər.

Qeyd edək ki, Şəhriyar Rəhimov 34 yaşında onkoloji xəstəlikdən vəfat edib. O, 2018-2019-cu illərdə Azərbaycan millisinin heyətində 9 oyunda meydana çıxıb. Mərhum futbolçu karyerası ərzində “İnter” (indiki “Şamaxı”), “Karvan”, AZAL, “Rəvan”, “Kəpəz”, “Zirə” və “Səbail” klublarının formasını geyinib.

Ş.Rəhimov ötən ilin əvvəlində karyerasını başa vurub.

Allah rəhmət eləsin!