"İlin Qalibləri - 2022" üçün namizədlər açıqlandı

İdman Araşdırmalar Mərkəzi (İAM) "İlin Qalibləri-2022" layihəsinin icrasına başlayıb.

Futbolxeber.az saytının məlumatına görə, ardıcıl 10-cu ildir həyata keçirilən layihənin layihənin ilkin mərhələsində müxtəlif KİV-lərdə çalışan idman jurnalistləri arasında 7 nominasiya ("İlin İdman Xadimi", "İlin İdmançısı", "İlin Futbolçusu", "İlin Əcnəbi Futbolçusu", "İlin Komandası", "İlin Məşqçisi" və "İlin İdman Yarışı") üzrə sorğu keçiriləcək.

Yekunda ən çox səs toplayan namizəd idman ictimaiyyəti nümayəndələrinin iştirakı ilə "Qızıl onluq" adlı mərasimdə mükafatlandırılacaq. Tədbir zamanı İAM-ın xüsusi mükafatları da təqdim olunacaq.

Bəzi nominasiyalar üzrə namizədlər:

İlin əcnəbi futbolçusu

1. Abdulaye Ba ("Sabah", Seneqal)

2. Coy Lens Mikels ("Sabah", Almaniya)

3. Hamidu Keyta ("Zirə", Fransa)

4. Kadi Malinovski Borges ("Qarabağ", Braziliya)

5. Kvabena Ovusu ("Qarabağ", Qana)

6. Marko Veşoviç ("Qarabağ", Monteneqro)

7. Ramon Maçado ("Neftçi" / "Qəbələ", Braziliya)

8. Voislav Stankoviç ("Neftçi", Serbiya)

İlin futbolçusu

1. Aleksey İsayev ("Sabah")

2. Bəhlul Mustafazadə ("Qarabağ")

3. Eddi İsrafilov ("Neftçi")

4. Emin Mahmudov ("Neftçi")

5. Mahir Emreli ("Dinamo" Zaqreb, Xorvatiya)

6. Musa Qurbanlı ("Qarabağ")

7. Ozan Can Kökçü ("Telstar" / "Eyndhoven" (Niderland)

8. Ramil Şeydayev ("Qarabağ")

9. Renat Dadaşov ("Tondela" (Portuqaliya) / "Qrasshopper" (İsveçrə)

10. Riçard Almeyda ("Qarabağ")

İlin İdmançısı

1. Anna Başta - qılıncoynatma üzrə Avropa çempionu və dünya çempionatının gümüş medalçısı

2. Ayşən Abdulazimova - Qadın voleybolçulardan ibarət "Vaşaş" komandasında Macarıstan çempionu və ölkə kubokunun sahibi, Azərbaycan millisində V İslam Həmrəyliyi Oyunlarının bürünc medalçısı

3. Bəhram Rəcəbzadə - Kikboksçu, Ümumdünya Oyunlarının və V İslam Həmrəyliyi Oyunlarının qalibi

4. Davud Kərimi - Minifutbol üzrə Avropa çempionu

5. Diana Dimçenko - Sahil avarçəkməsi üzrə Avropa çempionu və dünya çempionatının gümüş medalçısı

6. Eldəniz Əzizli - Yunan-Roma güləşi üzrə Avropa və dünya çempionu, V İslam Həmrəyliyi Oyunlarının qalibi

7. Gövhər Beydullayeva - 20 yaşadək şahmatçılar arasında dünya çempionu

8. Hacı Əliyev - Sərbəst güləş üzrə Avropa çempionatının gümüş medalçısı və V İslam Həmrəyliyi Oyunlarının qalibi

9. Hidayət Heydərov - Cüdo üzrə Avropa çempionu və dünya çempionatının bürünc medalçısı

10. İvan Tixonov – V İslam Həmrəyliyi Oyunlarında idman gimnastikası üzrə qızıl və gümüş medalçı

11. Jalə Əliyeva - 23 yaşadək qadın güləşçilər arasında Avropa çempionu, V İslam Həmrəyliyi Oyunlarının qalibi

12. Nigar Nəsirova – Güllə atıcılığı üzrə dünya çempionatının bürünc medalçısı

İlin Komandası

1. Bədii gimnastika üzrə qrup hərəkətləri komandası - V İslam Həmrəyliyi Oyunlarının qalibi, dünya çempionatının bürünc medalçısı

2. Futbol üzrə Azərbaycan millisi - Ardıcıl 5 beynəlxalq oyunun qalibi

3. Minifutbol üzrə Azərbaycan millisi - Avropa çempionu

4. "Qarabağ" futbol komandası - UEFA Avropa Liqasından Konfrans Liqasının pley-off mərhələsinə vəsiqənin sahibi

5. Paracüdo üzrə Azərbaycan millisi - Dünya çempionu

6. Voleybolçu qadınlardan ibarət Azərbaycan millisi - Avropa çempionatına vəsiqənin sahibi və V İslam Həmrəyliyi Oyunlarının bürünc medalçısı

7. Yunan-Roma güləşi üzrə Azərbaycan millisi - Dünya Kubokunun gümüş medalçısı

İlin məşqçisi

1. Aleksandr Tarakanov (Yunan-Roma güləşi üzrə Azərbaycan millisinin baş məşqçisi)

2. Canni De Byazi (Futbol üzrə Azərbaycan millisinin baş məşqçisi)

3. Elşad Quliyev – Minifutbol üzrə Azərbaycan millisinin baş məşqçisi

4. Qurban Qurbanov (“Qarabağ” futbol komandasının baş məşqçisi)

5. Murad Musayev ("Sabah" futbol komandasının baş məşqçisi)

6. Rəşad Sadıqov ("Zirə" futbol komandasının baş məşqçisi)

7. Rixard Trautman (Cüdo üzrə Azərbaycan millisinin baş məşqçisi)