“Qarabağ”lılar 29 ildən sonra “İmarət”də

“Qarabağ” komandasının sabiq məşqçi heyəti və futbolçuları işğaldan azad olunan Ağdam şəhərinə səfər ediblər.

Futbolxeber.az saytının məlumatına görə, səfərdə məqsəd Bakı Media Mərkəzi tərəfindən “Qarabağ” haqda sənədli filmin çəkilişində iştirak etmək olub. 

Çəkilişin Ağdamdakı hissəsində 1980-ci illərin sonları və 90-cı illərdə “Qarabağ”dakı çıxış etmiş şəxslər iştirak edib. Onların arasında o vaxtkı baş məşqçi Ağasəlim Mircavadov, məşqçi Nazim Mehrəliyev, aparıcı futbolçu olmuş Təbriz Həsənov və digərləri olub. Onlar dağılmış “İmarət” stadionunda da olaraq kollektiv şəkil çəkdiriblər.

Qeyd edək ki, bu heyət son dəfə Ağdam stadionunda 1993-cü ilin mayında “Turan”la oyunda iştirak edib.