5 Aprel 2025, Şənbə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Minifutbol

Polad Həşimovun xatirəsinə həsr olunmuş turnir keçirilib

Bu gün Bakının Günəşli qəsəbəsində yerləşən "Birlik" Peşəkar Futbol Klubunda şəhid genaral-mayor Polad Həşimovun xatirəsinə həsr olunmuş uşaqlar arasında futbol yarışı keçirilib.

Futbolxeber.az saytının məlumatına görə, tədbirdə "Birlik" PFK-nın prezidenti Şakir Eyyubov, şəhidimizin qardaşı İlham Həşimov, məşqçilər, valideynlər iştirak etdilər.

Mərasimi giriş sözü ilə açan klub prezidenti Ş.Eyyubov turnirin önəmindən danışıb. Polad Həşimovun heç zaman unudulmayacağını vurğulayan Şakir bəy gənc nəslin şəhidlərimiz haqqında məlumatlı olmasının əhəmiyyətini önə çəkib.

Daha sonra söz şəhid generalımızın qardaşı İlham Həşimova verilib. İ.Həşimov yarışın baş tutmasına görə hər kəsə təşəkkürünü bildirərək Polad Həşimovun futbola sevgisindən danışıb: "Polad futbolu çox sevirdi. Beyləqanın "Mil" komandasının oyunçuları ilə şəxsi əlaqələri də vardı. Tez-tez futbol oyunları təşkil edərdi. O, həm yaxşı insan, həm yaxşı hərbçi, həm də futbolçu idi".

Çıxışını yekunlaşdıran İlham bəy məşqçilərlə görüşərək hamıya uğurlar arzuladı. Azərbaycan Respublikasının dövlət himni səsləndirildikdən sonra turnirə start verilib.

Qeyd edək ki, "Birlik" PFK şəhid və qazi övladları üçün ödənişsiz fəaliyyət göstərir.

 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30