Şok iddia: Baş məşqçi millinin aşpazını zorlayıb

Argentina millisinin baş məşqçisi Xorxe Sampaoliyə qarşı şok iddia irəli sürülüb.

Futbolxeber.az saytının xarici KİV-ə istinadən yaydığı xəbərə görə, “Radio Mitre”nin jurnalisti Qabriel Anello 58 yaşlı mütəxəssisi cinsi zorakılıqda ittiham edib. O bildirib ki, Sampaoli millinin aşpazını zorlayıb.

Anellonun yazdığına görə, Argentina Futbol Federasiyasının prezidenti Klaudio Tapia da hadisədən xəbərdardı. O, susması üçün qadına rüşvət verib.

Sampaoli kimi futbol federasiyasının prezidenti də yayılan xəbəri təkzib edib. Klaudio Tapia deyib:

“Hər gün Argentina millisinə zərbə endirmək üçün müxtəlif şayiələr yayılır. Mən Sampaolinin düzgünlüyünə inanıram. Odur ki, bu məlumatı heç araşdırmağa da ehtiyac görmürəm”.

Qeyd edək ki, jurnalist Anyello 2016-cı ildə Esekiel Lavezzinin millinin düşərgəsində olarkən marixuanadan istifadə etməsin barədə xəbər yaymışdı. Bundan sonra Argentina yığmasının üzvləri mətbuatı boykot etmişdilər.